Tinakbo niya ang gabing singlamig ng salamin.
Tumigil.
Nakatapak ng masidhing talas gaya ng salamin.
Binubog at sinaksak
Hanggang sa kalumpuan.
Gumapang.
Ginapang ang daan
Tungo sa hiwa ng liwanag
At aninong dilim
Ng nagbabadyang nilalang.
Naghintay.
Hanggang sa dumating
Ang hukom ng gabi.
Kasing talas ng salamin
Kanyang mata’t isip.
Ang pawis ginawang pulbos
At ang damo’y pinampunas ng dugo.
Ang uod ng tigang na lupa ay
Ginamot.
Gumaling at muling tumakbo
Panibagong karera.
No comments:
Post a Comment